Morgan Wallen ‘Last Night’ a la Hot ber

Morgan Wallen ‘Last Night’ a la Hot ber
Morgan Wallen hla hit ‘Last Night’ chu Billoard ot 100 (singles) chart-ah a No.1 a, he chart-a kar 10 a No.1-na a ni ta. Hetihrual hian Tracy Chaplam hla hlui Luke Combs-a’n a sak thar ‘Fast Car’ pawh No.8 atangin No.4 a kai a, chart top 5-ah country hla pahnih a awm a, 2000 hnuah he charty top 5-a country hla pahnih a ruala a lan lehna hmasa ber a ni.
Billboard 200 chart hi kar khat chhunga US-a hla lar dan tehna a ni a, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Morgan Wallen ‘Last Night’ hian kar khat chhungin radio airplay-ah ngaithlatu maktaduai 68.8 neiin, streaming pawh maktaduai 31 leh sales 8,000 a la tling bawk a, hei hi a kar 10 nan chart-ah a No.1 pui leh ta a ni. He hla hi March thla khan a rawn No.1 tan a, Morgan Wallen hlaah chuan he chart-a No.1 kai thei hmasa ber a ni.
Chart No.1 hlui Miley Cyrus ‘Flowers’ chu radio airplay-ah maktaduai 87 a la tling a, No.3 atangin No.2 a kai thar leh a, Rema leh Selena Gomez ‘Calm Down’ chu No.5 atangin No.3 a kai a, chart-a a lan atanga kar 40-naah No.5 hi a kai chauh a ni.
Luke Combs-a’n Tracy Chapman hla hlui a sak thar ‘Fast Car’ chu No.8 atangin No.4-ah a invawrh a, he hla hi August 1988 khan Chapman hian chart No.6 a lo kai pui tawh a, kar thum kalta khan Luke Combs hian a rawn tithar ve leh ta a ni. Combs tan he chart-a hla top 5 a kai pui pahnihna a ni a, November 2020 khan ;Forever After All’ chu No.2 a lo kai pui tawh bawk a ni.
Lil Durk ‘All My Life’ featuring J, Cole chu No.4 atangin No.5-ah a tawlh a, chart No.1 hlui SZA ‘Kill Bill’ chu No.6-ah bawk a la awm a, Toosii ‘Favorite Sing’ chu No.9 atangin No.7-ah a insawn a, Eslabon Armado leh Peso Pluma ‘Ella Baila Sola’ chu No.7 atangin No.8-ah a tawlh a, Metro Boomin, The Weeknd leh 21 Savage “Creepin'” chu No.9-ah bawk a la awm a, Taylor Swift ‘Karma’ featuring Ice Spice chu No.2 atangin No.10-ah a tawlh ve ta bawk.