Khawvela lemchan lama chawimawina sang, Academy Awards, Oscar an tih bawk sem chhuaktu Academy of Motion Pciture Arts and Sciences chuan an pawla vote neia tel turin mi 398 hnenah sawmna an pe chhuak a chung zingah chuan Taylor Swift, The Weeknd, David Byrne, Austin Butler, Keke Palmer, Bill Hader leh Paul Reiser te an tel.
Academy member thlan dan hi qualification-ah an eizawnna chu dah len ber a ni a, hei bakah hian member-ah mipa leh hmeichhia inbuk tawk deuh tur te, hnam leh vun rawng thlengin en tel a ni. Tunah an member ni tura an sawm thar zingah hian Oscar nominee lo ni tawh mi 76 leh Oscar dawng tawh mi 22 an tel nghe nghe a ni.
Kumin hian music atanga sawm zingah Swift leh Byrne bakah Indian movie RRR leh Pushpa: The Rise- Part 1 atanga hriat lat Chandrabose leh RRR leh Konda Polam atanga hriat lar MM Keeravaani te pawh an tel.
Actor atanga sawm zingah Butler, Hader, Palmer leh Reiser te bakah Everything Everywhere All at Once leh Indiana Jones and the Temple of Doom star Ke Huy Quan, Indian film RRR changtu NT Rama Rao Jr., The Woman King changtunu Lashana Lynch, The Favorite leh Mad Max: Fury Road star Nicholas Hoult, RRR leh Magadhreera changtu Ram Charan te pawh an tel.
Motion Picture Academy-in member thar atan mi 398 an sawm
Get real time updates directly on you device, subscribe now.
Next Post