UP a Saharanpur ah Truck leh Bike insuin, bike khalhtu leh a fanu kum 5 mi an boral a, midangin hliam na tak an tuar bawk.
Additional Superintendent of Police Sagar Jain sawi danin, bike a chuangte hi chhungkua niin, an pa ber Vikas, kum 35 mi chuan bike hi a khalh a, a nupui Akshima (32) bakah a fanute pahnih Jahnvi (5) leh Ruhi (3) te a phur a ni.
An vai hian Uttarankhand a Jwalapur a cheng niin, a nupui chhungte tlawha zin an ni a, phai phei kawng thaa an tlan laiin truck lian nen insu in, chhiatna hi a thleng zui ta niin a sawi.
Police te chuan buaipui ngai engkim an buaipui nghal a, Vikas leh a fanu upa zawk Jhanvi te chu a hmunah an boral nghal thu sawiin, a nupui leh a fanu naupang zawkte pawh hi dinhmun hlauhawm takah dingin, an dinhmun a tha lutuk lo niin an sawi bawk.
Police te chuan truck khalhtu hi man nghalin, a motor pawh hi an hreng rih nghal tih an sawi a, a tul anga chhuichianna an kalpui tur thu an sawi.
Motor insuah pafa boral, midangin hliam na tak tuar
Get real time updates directly on you device, subscribe now.