Motorcycle inchil tir tam record siam

Bike rit tak tak vawi 376 a inchil tir a, Guinness World Record a siam. A hming chu Pandit Dhayagude a ni a, ani hi hetiang record lo siam tawh tho a ni, a record hmasaah chuan vawi 121 a inzawh tir a, tun tumah chuan a record thar a rawn siam leh ta a ni.
Guinness World Records-in an official Instagram-a video an post-ah chuan Pandit hi lei-ah a mu a, a sir tawn tawnah bike tlan lawnna chu an dawh chuan a karcheh a, bike te chuan a inchhawkin an zawh ta char char mai a ni.
Bike-in an chil lai hian a position ngaiin a awm reng a, a chiltu bike te hi pawh rit tak tak vek an ni. GWR chuan, “Pandit hian a record hmasa 121 khum tumin dul bawr tichak turin a inbuatsaih nasa hle a ni,” an ti.