MP atan Priyanka-i la lut, an nufa thumin an kim ta

MP atan Priyanka-i la lut, an nufa thumin an kim ta
Congress hruaitu, Priyanka Gandhi Vadra-i chu Ningani khan Parliament member atan lak luh a ni ve ta a, a rual hian an party hruaitu tho, Ravindra Vasantrao Chavan lak luh a ni bawk.
MP atana Priyanka-i lak luh a nih ve takah hian kum tam tak hnuah Nehru-Gandhi chhungkuaa mi — Sonia, Rahul leh Priyanka te chu an zavaiin parliament-ah an thu dawn ta a ni.
Gandhi Vadra-i hi a nu nen parliament-ah thleng dunin a nuta, Rahul Gandhi leh a pasal, Robert Vadra ten lak luh a nih lai hian an tawiawm bawk.
Priyanka Gandhi-i hi tun hnaia Maharashtra leh Jharkhand assembly inthlan ruala bye-election-ah Wayanad Lok Sabha bialah vote 4,10,931-in hnehna a chang a ni.
Wayanad bial hi a nuta, Rahul Gandhi-a’n a kalsan niin an chhungkaw lenna, Rae Bareli nen a tlin kawp avangin a kalsan a ni.
Congress thatna, Wayanad-a bye election-ah hian Priyanka Gandhi bakah BJP atangin Navya Haridas leh Communist Party of India (CPI) hruaitu, Sathyan Mokeri te an ding a. Priyanka Gandhi hi United Democratic Front (UDF) tia tangho angin a ding a ni.
Congress hruaitu, Chavan-a hi Nanded Lok Sabha bial atangin vote 5,86,788-in a tling ve thung a. He bial hi an party MP ni lai, Vasantrao Balwantrao Chavan-a a thih avanga ruak a ni.
Wayanad atanga a tlin tak avang hian Priyanka Gandhi-i hi a nuta, tuna Leader of Opposition ni mek leh Rajasthan atanga Rajya Sabha MP ni mek, a nu, Sonia Gandhi te nen parliament-ah member an ni ho dawn ta a ni.
Bye election-ah khan vote a tla tlem a, Priyanka Gandhi hian vote 6,22,338 hmuin a nuta, Rahul-a’n April inthlanpuia vote 647,445 a hmuh aiin a tlem a. Hnehna a channa zatna vote erawh a tam zawk thung a ni.