Mizo Photographers’ Society (MPS) chuan 2023 Chapchar Kût Lady-ah Tina Vanlalhruaii, Zarkawt Veng, Aizawl an thlang a, Kût Lady nilai Vanlalhmangaihzuali, Zemabawk hnen atangin March ni 14 khan title a la chhawng ta a ni. MPS chuan Chapchar Kût Lady hi 2013 atangin an thlang tan a, Sarah Lalnunsangi chu Kût Lady hmasa ber a ni.
MPS 2023 Chapchar Kût Lady result hi March ni 14 khan Cultural Centre, Vaivakawnah puan a ni a, Pahnihna chu Lalthazuali, Tuivamit Veng, Aizawl niin, Pathumna chu Vanlalbeiseii, Venghnuai, Aizawl a ni ve thung.
Chapchar Kût Lady hi Aizawla Chapchar Kût hmanna a tel, Mizo nula, Zo thiam inbel te atangin a duh apiangin nomination an siam thei a, nominee te hi Mizo Photographers’ Society Facebook group-ah Kût ni atangin post theih a ni a, nominee te hi thlifim zelin, group member ten an thlalak an ‘like’ hmanga vote an pek theihna te pawh ruahman thin a ni.
MPS Chapchar Kût Lady hi 2013 atangin kumtin thlan thin a ni a, 2021 leh 2022-ah te erawh COVID-19 hripui leng avangin Kût Lady hi thlan a ni lo va, tun hi Kût Lady an thlan vawi kuana a ni.
Chapchar Kût Lady lo ni tawh te chu:
1. Sarah Lalnunsangi -2013
2. Marilyn Lalremsiami Khawlhring – 2014
3. Christina Lalchhanchhuahi – 2015
4. R. Malsawmdawngkimi -2016
5. Linda Lalsangpuii – 2017
6. H. Lalrindiki- 2018 “
7. Sheila B Lalrinpuii – 2019
8. Vanlalhmangaihzuali – 2020
MPS Chapchar Kût Lady Tina Vanlalhruaii
Get real time updates directly on you device, subscribe now.
Next Post