Basketball hmanga inelna lian Mizoram Super League season 8 chu February ni 20, Thawhtanni khan khelh chhunzawm niin inkhel pathum a awm. Thawhtanni-a inkhel hmasa berah Zarkawr BCA leh Mission Veng Hotshots ten inkhel hmuhnawm an lantir a, point pawh an thawkchhuak tam dun hle. He inkhel hmuhnawm takah hian Zarkawt BCA chuan point 114-113 in an khingpui Mission veng Hotshots an hneh. Zarkawt BCA tan hian Joseph Allen chuan point 51 zet a thawkchhuak a. Hotshots tan Christopher Jr chuan point 42 zet a thawkchhuak ve bawk.
Thawhtannia inkhel vawi hnihnaah Bungkawn LB Associates leh Champhai Distric BBA an inhma-chhawn a. He inkhela point thawk-chhuak hnem ber Lalnunpuia chuan Bung-kawng LBA Associates a chakpui a, an khingpui Champhai distric BBA hi point 78-56 in an hneh.
Thawhtannia inkhel hnuhnung berah Chan-mari Vikings chuan an khingpui Tuikual South BC chu point 90-81 in an hneh.
MSL season 8 hi round 5 khelh zawh tawh niin, vawi nga chak zawn tawh Zarkawt BCA in point 10 hmuin hma an hruai mek a. Vawi li chak a, vawi khat tlawm tawh Khatla TBL in point 9 hmuin pahnihna an ni mek a. Khelh nga chhung tlawm zawn tawh Khatla South Barons chuan point la hmu lovin table mawngphah an luah mek.
MSL hmahruaitu Zarkawt BCA
Get real time updates directly on you device, subscribe now.
Prev Post
Next Post