MSS officer-te inzir belh dawn

‘10th Foundation Training for Junior Grade of MSS (Mizoram Secretariat Service) officers’ chu Thawhtanni atang khan neih tan a ni a, DP&AR minister K Sapdanga’n a hawng.
MSS officer-te chu Mizoram sawrkarah post pawimawh tak tak chelhtu an nih angin an hna theuh rinawm leh taima taka thawk turin DP&AR minister hian a fuih a. Training chu hna thawk tak tak duhte tana khamawm lo tak leh thil pawimawh ber zing ami a ni, tiin, “Ram rawngbawl tum tak tak tan chuan training hi loh theih loh thil a ni,” a ti. Training turte chu an tihsual atanga inzir thin tura chahin, mipui rawng chu nuam ti taka bawl turin a fuih a. Sawrkar tana rinawm leh nghet taka ding tlat turin a chah bawk.
Mizoram Secretariat Service Association president Betsy Zothanpari Sailo pawhin MSS officer-te chu dinhmun pawimawh tak chelhtu an ni tih hrilhin, an thawh that leh that lohin sawrkar department hmel a tidanglam thei tih a sawi a ni.
Tun tum junior grade of MSS officers’ training-ah hian mi 30 an tel a ni.