MSU-in an dincham lawm

Mizo Students’ Union Gen. Hqrs chuan an din champha vawi 23-na chu Thawhtanni khan Aizawlah an lawm.
Hmanpuitu minister B Lalchhanzova chuan kan state leh Mizo hnam himna ngaihthah chuang si loin, ‘Think Big, Think International and Think Global’ ang zawnga rilru leh ngaihtuahna seng thiam turin a chah tih a sawi a. “Kan state zimteah hian rilru zau leh pui tak a leng a, khawvel ramdangte chung en bik loa, ramdangin min chung en theih dan tur zawk hi vei ang u,” a ti.
Zirna chu engkim bul a ni, tia ngaihdan siam chu a dik thui hle a, zirna tha chuan kawng engkimah kan nunphung leh hmasawnna tur a hril vek a. Zirna a thata a dik bawk chuan nun a nuam a, hmasawnna a khairual a, mi hniam berten a par zu an tlan pha a, khairual takin hmasawnna a kal thin, tiin a sawi a ni.
MSU president Samuel Zoramthanpuia chuan mei mit loa kum 23 MSU a kal chhung hian Mizoram mai ni lo, ram pawn leh khawvel zau zawka Mizo zirlaite khawhawi theihna turin ke a pen tih a sawi a. Ministry of Corporate-a registered an nih angin zirna atan corporate social responsibility tam zawk hailut chungin, embassy hrang hrang atangin zirlai tana hamthatna awm theite hai chhuah zel a ni tih a sawi. Zirlaite chu zirna atanga ram leh hnam humhalh tur leh, zirna kaltlanga Zoram hmasawnna kawng dap zel turin a chah bawk.