Muaithai inelna tan
March ni 29 – 31, 2023 chhung a neih tur Mizoram Open Taekwondo Championship vawi 17na chu MATA Hall, Republic vengthlangah Pu K. Zohun-sanga Dy. Director SYS in a hawng.
Hawnna inkhawm hi V.L.Sawma Senior Vice President MATA in a kaihruai a. Prof.Rualkhuma Colney President MATA in infiammi kalkhawmte lawmna thu sawiin MATA General Secretary Joseph Thansangan Championship report kimchang a pe bawk.
Khuallian Zohunsanga chuan Taekwondo zirlaite chu infiamna bei chungin lehkha zir thlahthlam lo turin a fuih a. National mai nilo World level leh Olympic thlenga khel turin tum ruhna nei tur a fuih a. Chutiang tan chuan Taksa tichhe thei zuk leh hmuam insum turte leh nun hruai sual thei tur thian sual lak fimkhur turin a fuih bawk.
Open championship-ah hian Mizoram District hrang hrang Aizawl, Lunglei, Serchhip, Kolasib, Mamit atangin Club 17 an tel a. Kyorugi inelnaah 153 leh Poomsae inelnaah 102 an tel a. Infiammi zingah Paisley Lalremtluangi Kum 5 mi, Kolasib District chu player naupang ber a ni.
Ni thum awhTaekwondo inelna hi Category hrang hrang Sub-Junior, Cadet, Junior leh Senior a then niin heng category hrang hrangah hian mimal, team leh best fighter lawmman te pek an ni ang a. March ni 31 ah a khar a ni ang.
Muaithai inelna tan
Get real time updates directly on you device, subscribe now.
Next Post