Mualvumah Eden Huan siam

Mualvumah Eden Huan siam
1st IR Battalion Hqrs. Mualvum ramngaw chu nungcha humhalhna hmun atan ASEP chuan puangin, a hmingah ‘Garden of Eden’ vuah a ni.
ASEP Gen. Hqrs. hian Zirtawpni khan 1st IR Battalion Hqrs. Mualvumah Winter Operation for Wildlife Conservation Campaign an khuhhawng a. Commandant Lalthakima chuan khuhhawngin, Kolasib District Honorary Wildlife warden Christopher Lawlor chuan a hmanpui.
ASEP president K Lalmuansanga chuan police nen nungcha humhalh kawnga thawhhona tha neih zel an duh tih a sawi a. Mualvum hmunah hian sava bu siamsa – artificial nest box dah programme pawh la kalpui zel an tum tih a sawi. Mualvum ngaw chu Kolasib district-ah pawh ngaw tha ber pawl a tlin avangin, Mualvum luahtu sipai leh a chhehvel khua zawng zawng pawh humhalhtu ni theuh turin a sawm tih a sawi a ni.
1st IR Bn commandant chuan Mualvum ramngaw chu nungchate zalenna hmun ni reng se a duh tih a sawi a. Sipai hmun a nih angin discipline hnuaiah khauh taka humhalh tlat an tum tih a sawi a ni.