Muaythai leh arm wrestling hlawhtlinna lawmpui

On Jul 7, 2023 9 0

Muaythai leh arm wrestling hlawhtlinna lawmpui
Thawhlehni khan Hawla Indoor Stadium, Conference Hall, Re-public Vengthlangah Mizoram States Sport Council chuan tun hnaia hlawhtlinna chang sport association pahnih Muay-thai Association of Mizo-ram leh Mizoram Arm Wrestling Association-te Mizoram tana an feh-chhuaha hlawhtlinna an chan lawmpuina hun a buatsaih.
Mizoram Muaythai Association hian Mizo-ram aiawha May 3-13, 2023 chhunga Thailand khawpui Bangkok-a Senior World Muaythai Championship-ah khan India team-ah player thawhin, Mizo tlangval chuan bronze medal a la a; hei bakah hian June 26-30, 2023 chhunga Film City, Chenai, Tamil Nadu-a Muaythai Na-tional Championship-ah khan Mizoram aiawha fehchhuakte chuan final lutin, gold medal pakhat leh silver medal pali an la bawk a ni.
June ni 16-18, 2023 chhunga Delhi-a Sheru Classic Tournament-ah Mizoram Arm Wrestling Association chuan arm wrestler panga tirin, mi paliin medal an la a, an medal hawnte hi gold medal 3 leh Bronze medal pakhat a ni.
He’ng medal late pual hian Mizoram State Sport Council chuan chawimawina hun buatsaih a ni.
Khuallian Mizoram State Sports Council joint secretary C. Lalrin-zuala chuan Mizoram aiawh leh India ram aiawha medal late a lawmpui thu a sawi a, Mizoramin sport lama hma a sawn lehzualna tur chuan infiammite an pawimawha, infiammite avanga sport infrastruc-ture pawh duan a nih thu a tarlang a, thahnemngai leh hmasawn lehzual turin infiammite a sawm nghal bawk.
Khuallian chuan sport department awm reng laia MSSC din-chhan chu sport tihhma-sawnna tur a nih thu leh infiammite tan mahnia inrelbawl sport council neih chu tihmakmawh a nih thu a tarlang tel.
Lawmpuina hun hi Senior Sports Promo-tional Officer R. Lal-rinmawia, MPS chuan a kaihruai a ni.