Rashtrapati Bhavan gardens- Mughal Gardens tia hriat lar zawk chu January 28, 2023 khan Amrit Udyan tia a hming thlak a ni.
“Independence 75-na lawmna neih laiin Preisdent of India chuan Rashtrapati Bhawan garden chu Amrit Udyan tiin a hming a thlak,” tiin Navika Gupta, Deputy Press Secretary to President Droupadi Murmu chuan thuchhuah a siamah a tarlang.
-- Advertisement --
He huan hi mipui nawlpui tlawh theih turin kum tinin thal laiin hawn ziah a ni a. Pathianni khan President Murmu awm laiin he garden hi hawn niin March 26 thlenga hawn a ni ang.
He garden hi Edwin Lutyens design niin Mughal leh English landscaping style hmang niin 15 acre laia zau a ni a. Garden hian channel pahnih right angle a inzu tawnin huan chu four cornered garden anga thenin Mughal landscaping ziarang anga kalpui a ni a. Lotus shaped fountain paruk a awm a, a san lam 12 feet te a ni a. Garden-ah hia Dahlias variety 2500 dawn awmin rose variety 120 a awm bawk.
Architect KT Ravindran chuan garden hming thlak chu ‘awm ang lo’ tia sawiin, “He garden hi Persian style landscaping hmanga design niin ‘Mughal Gardens’ kan ti mai a” tia sawiin, “Edward Lutyens kha Viceroy’s House design-tu a ni a, chu chu vawiina Rashtrapati Bhawan kan tih hi niin British appeasement plan kalpui zelah Mughal architectural details te a hmang a ni. Hei vang hian Chajja, chattri, jali te pawh Indian architectural features dang tena an hman loh te pawh a hmang a ni,” tiin Ravindran chuan a sawi.
President Dr. APJ Abdul Kalam leh Ram Nath Kovind hun lai khan herbal garden pahnih, tactile garden leh Bonsai garden te siam belh a ni a. President Kalam khan Manipuri style thinking hut pawh garden ah hian a sak tir a, a lehkhabuah pawh a ziak lang nghe nghe.
Kum 2010 khan Congress kaihhruai UPA sorkar khan Manipuri style hut hi a original design enna inchawihlo tiin expert committee te chuan an tichhe zui nghe nghe a ni. Hei mai bakah hian President Kalam hunlai dah tho musical fountain pawh he garden heritage character nena inchawih lo tiin an tichhe bawk.