Odisha Health and Family Welfare Minister Naba Kisore Das chu a awmah Assistant Sub-Inspector (ASI) of police chuan a kap a. Kisore Das hi Brajarajnagar khuaa public function a tel tura kal a ni.
-- Advertisement --
Police ASI hi Gopal Das niin Minister vengtu tur ruat zinga mi niin a revolver atangin silaimu paruk awmah panga a kap chhuak hman a ni. Amh hi man zui nghal a ni.
Minister hi a car atanga a chhuk chiah tih chu ASI hian hnai set sawtah a kap zui nghal a, Das hi tlu zui nghalin damdawi in panpui a ni nghal chungin a dinhmun a tha lo hle.
Jharsuguda Sub-divisional police officer Gupteswar Bhoi chuan ASI Das hian minister a kah bakah hian midang pahnihin hliam an tuar tiin a sawi bawk.
ASI Das hi thu zawhfiah mek niin Senor police personnel te chuan minister a kah hnuah pawh tlanchhiat a tum lo tia sawiin mimala phuba lakna ni ngeia a lan thu an sawi.
Chief Minister Naveen Patnaik chuan Health Minister Das kah a ni chu a dem thu sawiin, “Min barakhaih hle a, ka dem takzet a ni,” tia sawiin Patnaik chuan Crime branch te thil awm dan chhui chiang tur leh senior officer te pawh a hmunah kal nghal tura tih thu a sawi.