Multi Utility Centre hawng
Government Multi Utility Centre Thakthing Veng Aizawl ami chu April 21 khan deputy chief minister Tawnluia’n a hawng.
Govt Multi Utility Centre chu mipui vantlang tan sawrkarin a siam, veng mipui chu a chhawr tangkai ber tur an nih angin, a sak hun chhung zawnga vengchhung atang tawiawmna tha tak an dawng chu a lawmawm a tih thu deputy chief minister hian a sawi a. He Centre hi UD&PA department hmalakna hrang hrang Smart City, SIPMIU leh project pawimawh tak tak zinga Aizawl khawpuiin a a chhawr tangkai tur hnathawh pawimawh tak a ni tih a sawi.
“Mipui tana hna kan thawh hian a sum senso lam ringawt ngaihtuah loin, hna tha, tlo leh rintlak tur kan ngaihtuah a pawimawh,” tiin, UD&PA hnathawhna hrang hrangah tawiawm leh finchhuah zel turin mipui a ngen.
Govt Multi Utility Centre hi a implementing department chu UD&PA niin, cheng nuai 884.73 senga sak a ni. Building hi state fund atanga sak a ni a, 2019 May 12 ah sa tanin, kumin January 30 khan zawh a ni. Multi Facility Centre-ah hian parking, office, weekend market leh auditorium awm thei tura buatsaih a ni.
Multi Utility Centre hawng
Get real time updates directly on you device, subscribe now.
Prev Post