Municipal tul ti lo te inhnukdawk
ngam mai se – Dr R Lalthangliana
Lunglei Municipal neih tul ti lo ten inthlan atangin an inhnukdawk ngam mai lo em ni tih MNF adviser Dr R Lalthangliana chuan a sawi.
Inrinnia Lungleia street campaign-ah minister Dr R Lalthangliana chuan municipal tul ti lo ten LMC a awm tul ti lo anga awmin nasa takin municipal an sawisel tih a sawi a. Inhnuhdawh hun pel tawh mah se, LMC awm thalo titute hian candidate an hnukdawk ngam mai lo em ni tih chu a zawhna a ni tih a sawi. “Keini chuan a hlutna leh thatna kan hria a, LMC sawrkar thar hmangin Lunglei hi kan chei dawn,” a ti.
Party thenkhatin MNF chu Lunglei lam ngaihthah leh engmah thawk lo angin social media-ah an vawrh darh thin chu thil tha lo tak a ni, tiin, MNF sawrkar tharin Mizorama integrated laboratory lian ber chu Lungleia a dah thu te, puitling leh naupang ICU la awm ngai lo Civil Hospital Lunglei-ah ICU 28 an hawn tawh thu te, tunhnaia Mizorama Trauma Facility Centre hmasa ber neihna hmun chu Lunglei a nih thu te, Lunglei market building chhe tawh mipui tana hlauhawm tawh chu changkang taka sakthat nan cheng vaibelchhe 14.43 senga sak tum mek a nih thu te MNF minister hian a sawi a. Reiloteah Lungleiah Geology & Mining Regional office thar hawn thuai a nih tur thu a sawi bawk.
“Pathian khawngaihna azarah state-ah sawrkarna kan siam zawm anga, LMC-a kan thlantharte nen tha takin kan thawk ho ang,” Dr R Lalthangliana hain a ti.
Municipal tul ti lo te inhnukdawk ngam mai se – Dr R Lalthangliana
Get real time updates directly on you device, subscribe now.
Prev Post