Muslim te tihdarh tumnaah ngai

Draft delimitation proposal ang chuan Assam-a Scheduled Tribes te tana State Assembly-a seat reserved chu 19 atangin 16-ah a tlahniam dawn a, Scheduled Caste ta pawh pakua atangin pariatah a tlahniam dawn a. Chutih rual chuan Assembly constitutency chu 126 la ni reng dawnin Lok Sabha constituency pawh 14 a la ni reng thung dawn a. Hei bakah hian constituency tinte geographical boundary chu sawi danglam dawnin a then nuaibo a ni ang a, a thar siam a awm bawk dawn a ni.
Draft proposal hian Assembly constituency-a Muslim majority na chu seat 29 atagin 22-ah a tihniam dawn tiin All Idia United Democratic Front (AIUDF) te chuan an sawi a.
Constituency 90-ah indigenous Assamese mite chu majority an ni ang a, seat 10 atanga 12-ah Bengali te chu majority an ni bawk ang.
“Election Commission of India hian Assembly-a Muslim aiawhte an tlem theih nan delimitation draft hi a siam a ni,” tiin Karim Uddin Barbhuiya, AIUDF MLA chuana sawi.
Poll body te hian December 27, 2022 khan delimitation exercise neih a nih tur thu a puang a. December 31 khan Assam Cabinet chuan district pali chu pakhata belhbawmin hmun 14-ah boundary a rin tha bawk a, tihian district 35 ni thin chu 31 ah tihnniam a ni zui a, district pathum a sawi danglam hi Muslim te tamna vek a ni bawk. Muslim leader te chuan an mi leh sate chu then darh an tum tiin an sawi a.
Congress leader Prodyut Bordoloi chuan tuna draft siam that mekah chuan thil insi leh inzawm a awm lo a ti a. “Thlei bik nei takin Partition laia Radcliffe Line ang mai khan chet an la a ni,” tiin a sawi a. Radclifffe Line chu Indpendence laia India leh Pakistan ramri siamtu a ni a. British lawyer Sir Cyril Radcliffe, India ram tlawh ngai hauh lovin a siam a ni.
Election Commission-in hma a lak hma hian political party 11 leh civil society 71 te biakrawnna a nei a, chung zingah chuan BJP te pawh an tel a, June 20 khan draft proposal chu tihchhuahna nei tawhin Congress te erawhin poll body te hmalakna chu duh lovin an dodal thung.