MWA in Westling Mat sem

MWA in Westling Mat sem
Mizoram Wrestling Association (MWA) chuan June 17, Inrinni khan District pathum; Serchhip, Saitual leh Mamit District Wrestling Association te tan Wrestling Practice mat sem chhuak a. MSSC Sports Complex, Ramhlun Wrestling Hall-ah Wrestling practice Mat semchhuahna hi Mizoram State Sport Council secretary, Pu John Tanpuia MCS chuan khuallian niin a hmanpui.
MWA hian District Wrestling Association pathumte hnenah hian Wrestling Practice Mat 30 theuhin a sem a. Heng an semchhuah takte hi Mizoram Sorkar Flagship Program SEDP atanga chen nuai khat an dawn leh MWA hruaitu mi inphalte sum thawhkhawm atanga leite an ni. Practice mat dawngtu Saitual, Serchhip leh Mamit district hruaitute chuan Practice Mat an dawng chu lawmawm an tih thu an sawi a, an chhawr tangkai ngei tur thu an sawi bawk.
Wrestling Practice Mat semchhuahna huna khuallian Pu John Tanpuia, Mizoram State Sport Council Secretary chuan State chhunga Sport Association hrang hrangten an tih theih loh, District chhawmdawlna Mizoram Wrestling Association in an nei thei chu lawmawm a tih thu a sawi a. Wrestling Practice Mat MWA in pek chhuah dawngtu District Wrestling Association tangkai taka an hman a duhsak thu a sawi. Aizawl leh a chhehvela awmte tan Wresrling Non Residential Camp neih a nih tur thu sawiin, hian vang hian Wrestling in bungthar a kai ngei a rinthu a sawi bawk.