My Monument Search’ poster leh essay inziah siak

Nimin khan Aizawl-a school hrang hrang, class 7-9 zirlai ten kan chhehvela hnamro lungphun leh building hlui la dingte chungchang, a chanchin leh a lem inziahsiakna an nei a, intihsiaknaa an thil ziah te hi INTACH hmunpui, New Delhi a thawn thlak vek tur niin National Winner leh Regional Winner an rawn thlang dawn a ni.
‘Heritage building leh lungphun hlui’ tih thupui hmana poster leh essay inziahsiakna hi School Education Department leh INTACH Mizoram tangkawpin an buatsaih a ni a, hetiang intihsiakna hi kumtin thupui hrang hrang hmangin buatsaih thin a ni a, lawmman dawng zingah Mizo zirlai an la awm ve ziah niin a buatsaihtu te chuan an sawi.