Myanmar mipui sawrkar chuan India rama an mite raltlan mekte chu an awmna ram dan bawhchhe zawnga che lo turin a chah. Republic of the Union of Myanmar, National Unity Government Ministry of Foreign Affairs chuan India rama sahimna zawnga raltlan mek an ram mi leh pawl anga awmte hriat tur a tichhuak a. India ram dan dinglai leh ram pahnih inlaichinna tichhe thei laka inthiarfihlim turin a chah.
India ram chhung khawi hmunah pawh ram inrelbawlna leh politics lam, inthlan dawna political party tih bik leh chi tih bik neia thlawpa campaign ang chi ah te inrawlh lo turin a chah bawk.
Ruihhlo leh dan loa tawlhruk thil dang, ramsa leh thildang reng reng, danin a phal loh ang chi ah inhnamhnawih lo turin a ti a. An raltlanna hmuna anmahni lo mikhualtu khawtlang leh sakhaw inkaihhruaina zawma zah turin a ngen a ni.
Engemaw harsatna nei chuan Myanmar Parliament member tu emaw ber emaw an zavai aiawh pawl hruaitute hnenah emaw be pawp a, an chungchang hriattir thuai turin a chah bawk.
Myanmar mipui sawrkarin raltlante zawm tur siam
Get real time updates directly on you device, subscribe now.
Next Post