Khua a chhiat avanga thawn kir theih lohva awm Myanmar sipai 29-te chu Chawlhni khan Mizoram atangin Myanmar-ah thawn kir an ni ta.
Myanmar sipai 29-te hi Zirtawpni-a thawn kir tura tih an ni a, mahse khua a chhiat avangin helicopter a thlawk thei lo a, Mizoramah awm zuitir niin, Chawlhni khan thawn kir an ni ta a ni.
Sipai 29-te hi Mizoram atangin Manipur-a Moreh-ah Indian Air Force helicopter-in phurh an ni a, Moreh atang hian Myanmar khaw lian hnai remchang Tamu panpui leh an ni tih thu dawn a ni.
Heng sipaite hi Myanmar-a Tuibual khuaa duty an ni a, sipai sorkar paih tuma beitu pawl pakhat Chin National Defence Force (CNDF) nen an inkap a, a tawlh zawkah an tang a, Mizoramah lutin an inpe a ni.
Kar hmasa Ningani chawhnu lamah khan Champhai district-a Saikhumphai-ah an lut a, Mizoram Police te’n an lo dawngsawng a, Assam Rifles kutah an hlan a ni.
A hmain Myanmar sipai hi mi 43 chu Mizoramah an lo tlan lut tawh a, anni hi chu Zokhawtharah vek an lut. Hliam tuar pakhat a awm a, ani hi damdawi inah zan khat enkawl a ni. Anni hi Hnahlan atangin Indian Air Force helicopter hmangin Myanmar-ah thawn kir an ni.
Myanmar sipaite thawn kir ta
Get real time updates directly on you device, subscribe now.
Next Post