Mizo Zirlai Pawl leh Indigenous Tribal Leaders Forum (ITLF) Manipur aiawhte chu Ningani khan Aizawlah an inkawm a. Manipur buaina intan dan leh he buaina avanga Zofate tawrhna chungchang an sawi.
ITLF chuan buaina an tawh lai a, an ngaihsakna leh an buaipuina avangin Mizoram sawrkar, Mizoram mipui leh MZP chungah lawmthu sawiin, he buaina hian Zofate inkarah inunauna tha zawk thlen se an duh tih an sawi. Manipur Zofaten ei leh barah harsatna an tawh mek thu pawh sawiin, ei leh bar lakluhna kawng tha siam an duh a, ei leh bar lakluhna atana pawimawh Tuivai lei chu fur ruahtui tlak hmaa siamthat a, thawmthat an duh thu an sawi a ni.
MZP chuan Manipur buaina avanga Zofate tawrhna a hriatthiampuiin pawi a tih thu a sawi a. An tan theihtawp a lo chhuah tawh thin angin, a tul angin tanpui zel a tum tih an sawi a ni.
MZP leh ITLF aiawhte inkawm
Get real time updates directly on you device, subscribe now.