MZU VC tharin hna zawm
Mizoram University vice chancellor tura ruat Prof. Dibakar Chandra Deka chuan Thawhtanni khan a hna thar hi a zawm.
Amah lawmna hi MZU hmunah neih a ni a. Acting vice chancellor Prof. Pravakar Rath chuan vice chancellor thar hi MZU thawktute leh faculty aiawha lo lawmin, kum 5 chhung he hna a chelh chhungin MZU-in hmalam pana kawng dik a zawh chhoh ngei a ring tih a sawi a ni.
MZU VC thar chuan teaching leh non teachng staff te nen thawhhona tha tak neia MZU-in a la tawn ngai loh hmasawnna thar nei tura tan lak ho puiah a sawm a. Ruahmanna hmasa berah chuan NAAC assessment-ah MZU chu A++ grade hmu tura tan lak a ni, tiin, a dinna la rei lo hle mah se, India ram university-a hma sawn leh thang chak ber pawl a nihna chu hmalam panpui zel a tum tih a sawi a ni.
Lawmna inkhawmah hian registrar in-charge Prof. Vanlalchhawna chuan VC thar chanchin tlangpui a a sawi a. Deans, head of departments, teaching and non-teaching staff leh Students’ Council hruaitute an tel a ni.
MZU VC tharin hna zawm
Get real time updates directly on you device, subscribe now.