Nagaland atanga inlak hran ngiat district paruk a legislator 20 te chuan Eastern Nagaland People’s Union (ENPO) tena inthan boycott tur an tih chu an hnawl thu an sawi.
ENPO te chuan ngaihsak loh an ni bik tia sawiin district paruk – Kiphire, Longleng, Mon, Noklak, Shamator leh Tuensang te chu ‘Frontier Nagaland’ tia State hran an ngiat a. February 27-a Naga, an Assembly member 60 thlanna neih tur boycott ni se an ti. Frontier Nagaland huam chhungah hian constituency 20 a awm a ni.
-- Advertisement --
Mahse, Eastern Nagaland Legislators’ Union (ENLU) Ministers, MLA te leh Department hrang hrnga advisors te pawh telna inhmukhawm chuan inthlan boycott loh ni se an ti thung.
“ENPO resolution siama Nagaland Assembly inthlanah tel loh ni se tih avanga emergency meeting neih hnuah tun inthlan January 18 lo awm tura neih turah tel ngei ni se kan ti a ni,” tiin ENLU te chuan an sawi.
ENPO te chuan tun hnaia inthlan hun Election Commission in a puanah engmah sawizui an nei miah lo chungin Konyak Union te chuan inthlan boycott an tih chu an kalpui zel dawn an ti thung.
Konyak Union te hi ENPO a tel hnam hrang hrang paruk te aiawh telna niin inthlanah Konyak soil leh nomination a inpe lut an awm a nih chuan ‘permament a hnawhchhuah tur’ an ti thung.
Hetih lai hian forum pakhat BJP te telna leh candidate ni tur Nagaland Minister hlui Nuklotoshi chuan party central leadership chu Nationalist Democratic Progressive Party (NDPP) nen seat-sharing dan ennawn leh ni se tiin a ngen a. NDPP hi Nagaland a United Democratic Alliance sorkar a major partner a ni a.
Kar kalta khan BJP leh NDPP te chuan kum 2018 seat-sharing formula bawk 20:40 chu kumin inthlanah pawh hman leh turin thutlukna an siam a ni. Hei hi Nuklotoshi chuan tha tawk tawh lo tiin a sawisel a ni.