|halaite lehkha chhiar tam tura fuihin ‘chhiar ula, chhiar tam lehzual rawh u’ tiin Prime Minister Narendra Modi chuan fuihin biography leh autobiography te chu chhiar tam turin a ngen bawk a.
“Nasa leh zualin chhiar rawh u, in theih phawt chuan biography leh autobiography te chhiar ula. Heng lehkhabu te hian a tiphur ang che u a, in nunah in seng lut thei ang,” tiin a sawi.
-- Advertisement --
Prime Minister chuan thil reng reng uluk leh chik taka ngaihtuah tura ngen bawkin khawi hmunah pawh kal se eng hmun pawh tlawh se midangte nen pawh inbia se emaw note lak dawn pawhin chik tur a ti bawk a. Prime Minister hian Netaji Subhash Chandra Bose piancham 126 lawmna kal zelah thalai te nen inkawmhona an nei a ni.
Zirlai leh thalaite nena inkawmhona neiin an nuna seng luh an duh Netaji nuna an ngaihsan te a zawt hlawm bawk a.
“Tun hma chuan heng miropuite pianchamah hian anmahni zahna hlan turin parliament kan pan thin a, chuta tang chuan ram chhung thalai te chu heng piancham den chhen hian heng miropui te hi belchiang zawk turin kan ngen thin a ni,” tiin Modi chuan a sawi.