Nagaland-ah chuan Malaria vei an tlem tial tial a, kum 2009 a 8,479 atangin kum 2022 ah chuan panga chauh an awm a, malaria vanga nunna chan pawh hetih hun chhung tho hian 35 atangin pakhatmah awm lovah a tlahniam tiin Health Department official te chuan an sawi.
Heng thute hi State Programme Officer, National Vector Borne Disease Control Programme (NVBDCP), Dr. Neisakho Kere an World Malaria Day a ‘Time to deliver zero Malaria: invest, innovate, implement’ tih theme hmanga thusawina a neiha a sawi a ni.
Kum 2005 atanga 2012 chhung khan Malaria kai 8,479 hmuhchhuah a ni a, kum 2022 ah meuh chuan panga chiah hmuhchhuah tawh niin heng hmuhchhuahna te hi Dimapur, Kohima, Peren leh Phek-ah te niin district dangah te chuan hmuh an ni tawh lo tiin a sawi.
Hetih hun chhung vek hian Malaria avanga nunna chan tam ber kum chu 2006 kha niin mi 75-in nunna an chan a, kum 2009-ah 35 in an chan a, kum 2016 khan pakhatin nunna chanin kum 2017 atanga 2022 thlengin malaria avanga nunna chan an awm tawh lo a ti bawk.
“State-a Malaria PF case chu kum 2009 khan sang berin 2,893 an awm a, kum 2022-ah chuan pahnih chauh an awm tawh a, Malaria Pv case chu kum 2009 khan 5,596 awmin kum 2022 ah pathum chauh an awm tawh a ni,” tiin a sawi bawk.
‘Pf’ Plasmodium falciparum leh ‘Pv’ Palsmodium vivax te hi parasite chi hnih mihringa malaria thlentu te an ni a. Pf hi hlauhawm zawka ngaih niin cerebral malaria thlen theiin khawvel puma nunna chhattu lar ber a ni a. Pv hi hlauhawm tak ni mahse nasa lo zawka ngaih a ni a, a pahnih hian hriatchhuah vat chuan tihdam theih a ni ve ve a ni.
India-in kum 2030-ah malaria umbo hmana tum laiin Nagaland a district pariatah chuan malaria hmuh a ni tawh lo bawk a.
State-a National Centre for Vector Borne Disease Control chuan malaria-free Nagaland siam nan hma a sawn takzet tiin Principal Director of Health and Family Welfare Department, Dr. Vibeituono M. Sachu chuan a sawi.
Nagaland-ah Malaria vei awm tawh lo
Get real time updates directly on you device, subscribe now.
Next Post