POM CARES Fund ah Cong ten zawhna nei

PM CARES Fund chu thuruka khat a ni tia sawiin Congress te chuan eng vangin nge langtlang miah lova siam a nih leh eng vanga a sum public sector undertakings (PSUs) ten 60% lai an thawh chunga Right to Information (RTI) Act-in a huam loh tiin zawhna an siam.
All India Congress Committee (AICC) headquarters a press conference neihnaah senior spokesperson Abhishek Singhvi chuan public fund donation Rs 5,000 crore chin nei chu RTI huam chhungah awmin langtlang a ni tur a ni, a ti a.
“PM CARES Fund a sawi nawi awm leh a tir atanga din dana rinhlelh awm hian sorkar engmah pawisak nei lo, ruling pary Prime Minister pawisak nei lovin a enkawl tih a lang chiang a ni,” tiin Singhvi chuan a sawi a.
PM CARES Fund a contribution 60% te chu government-run leh government-owned firms heng ONGC, NTPC leh IOC te atanga chhunluh a ni a ti bawk a. “PM CARES a ‘C’ hian coercion, chaos, confusion leh corruption a kawk” tiin Singhvi chuan a sawi bawk.
“Legislative sanction tel lovin State te hian sum tam tak an lakhawm thei em? Hetah hi chuan sorkar a executive nihna sang ber nei chuan legal sanction awm hauh lovin Rs 5,000 crore a dawng a nia. Khawiah nge chhui zui theihna tura accountability chu?” tiin zawhna a siam bawk.
Singhvi chuan PM CARES Fund chu trust a ni a, accountability paramaters huamchhunga dah a nih lohna chhan chu sorkar atangin sum dawng lo tura ngaih a nih vang a ti a. Mahse, sorkar thunun Navratna leh Mini Ratna PSU te chu sum pe ber bertute an ni lawi si a ti bawk a.
“Kum ruk hnuah pawh White Paper siam a la ni thei chuang lo? Khawiah nge sum te hman a nih, khawvel hriatah sum hman dan te in hrilh thei lo em ni? Eng vangin nge in thup tlat? He ta sum te thil danga in hmang a nih chuan chhiah petute an lawm lo hle ang a, chhanna kan mamawh a ni,” tiin Singhvi chuan a sawi bawk.