BJP sawrkar chu ram puma hman tur Uniform Civil Code (UCC) siam tuma hma laah PC emeritus president Lalhmangaiha Sailo chuan a puh a, nasa zawka do tul a tih thu a sawi.
PC party hruaitute chuan an president Vanlalruata hoin Thawhlehni khan an party emeritus president hi an hmalakna hrang hrang an sawipui a. Ram, hnam leh sakhua humhim tura PC party-in UCC a dodalna leh India ram hmun hrang hranga hemi dodalna chungchang thlir ho a ni.
PC president Vanlalruata chuan Mizorama anti-BJP alliance siam a tul zia leh hemi atana hmalakna kallai sawifiahin, hmalak zui dan tur pawh duan a ni tih a sawi a. UCC bakah Manipura thil thleng chuan BJP leh an tanrualpuite paihthlak a tul zia a lantir, tiin, hemi atana Mizo mipui tanrual a tul thu a sawi. “Keimahni mai ni loin, thangthar zel tur tan he hmalakna hi kan tih hlawhtlin ngei a ngai,” a ti.
Emeritus president Lalhmangaiha Sailo chuan BJP kaihhruai India sawrkarin Hindu kalphunga ram puma kalpui a tumna avanga Uniform Civil Code (UCC) siam tuma hma a lakna nasa zawka do tul a tih thu a sawi bawk.
Nasa zawka UCC do turin sawm
Get real time updates directly on you device, subscribe now.
Prev Post
Next Post