Union Cabinet chuan National Medical Devices Policy, 2023 pawm felin he mi hmang hian public health thil tum mi tam ber tena an pawh theihna leh man tlawm, tha si leh tunlai thiamna thar ber ber thuam medical device te chu nasa zawka tihpunin a awm dawn a ni.
Medical device sector hi tun dinhmunah $ 11 billion vel hlutna nei nia ngaih niin kum nga chungin $ 50 billion a kai chho hman tura ngaih a nih thu Union Health Minister Mansukh Mandaviya chuan Cabinet meeting neih zawh hnuah a sawi.
Union government hmathlir ber chu patient-centric approach lama hmasawnna leh medial devices siam chhuahna lama khawvela hma hruaitu nih a nih thu sawiin kum 25 lo awm tur chhungin global market ah 10%-12% share neih hman tum a ni, a ti bawk a.
“Medical devices sector hmang hian ruahmanna hrang hrang siam ni dawnin thil paruk thlurbing a ni ang a, chng zingah chuan infrastructure tihchangtlun te, research lam tihhmasawnn e, innovation lama nasa zawka hmalakte leh investment leh human resource development lama nasa zawk hmalak te a tel,” tiin a sawi.
Sorkar thuchhuah chuan policy thar kalpui tur chuan medical device industry te chu mani inthazo, rintlak leh innovative industry a siam tumin India mai ni lo khawvel pum mamawh healthcare a sulsutu nihtir a tum a ni, a ti bawk.
-- Advertisement --
Nursing College 157
Prime Minister Narendra Modi kaihhruai Cabinet Committee on Economic Affairs chuan India ram hmun hrang hrangah nur sing college thar 157 din turin remtihna a pe a, tuna medical college awm mek te hnaihah din a ni ang.
He mi hmang hian kum tinin nursing graduate 15,700 an awm belh dawn a, chu chu healthcare sector a thingtlang leh khawpuia intluktlanlohna awm phuhrukna tura ruahman a ni.
Health Minister Mansukh Mandaviya chaun thutlukna an siam chhan sawiin sorkar chuan kum hnih chhung leka tihfel vek hman a tum thu leh project kalpui dan tur leh peihfel hun tur te ruahman fel thlap a nih tawh thu a sawi bawk a.
“State/UT sorkar ten Health Ministry nen inbiak pawhna nei rengin, he scheme hnuaia nursing college thar hnathawh te leh thlen chinte hrilhhriat zel tur a ni” tiin a sawi.
Tun hnaiah sorkar chuan medical college tipung bawkin hei vang hian tun hnai kumah MBBS seat a pun phah hle a. “Kum 2014 a medical college 387 atangin 660 ah tihpun a ni tawh a, a punna hi 71% a ni a. MBBS seat pawh a let hnih dawna pungin postgraduate seat pawh kum 2013-14 hnuah a letin a pung tawh” tiin tarlan a ni bawk.
Minister chuan Indian nurse te chu khawvel ram dang tena an pawm a nih thu sawiin hei vang hian Indian nursing education chu global standard mila kalpui zela chu chu nurse tena ram danga hnathawh nana an hman theih nana pawimawh a ni a ti bawk.