National Statistics Day vawi 18-na chu Zirtawpni khan Directorate of Economics & Statistics chuan an hmang a. Mizoram State Planning Board vice chairman Dr Kenneth Chawngliana chuan a hmanpui. Planning Board chairman chuan state hmasawnna atan statistics leh data dik kan neih theihnan ‘village profile’ siam turin an inruahman a. Chumi atang chuan khaw tin mamawh dik tak leh hmalakna atana ngaihpawimawh hmasak tur tihchianna hmanraw tangkai tak a ni dawn tih a sawi.
“Sawrkar policy siam nan statistics leh data a tangkai em em a. Chutiang bawkin chu policy chu a hlawhtling em tih enlet nan statistics leh data bawk hman tangkai thiam a pawimawh,” Dr Kenneth Chawngliana hian a ti a. Tunlai khawvelah mitinin mobile phone kan hum vek a, information dik leh dik lo pawh awlsam taka kan dawn zung zung theih tawhna khawvelah hian statistics dik leh data dik mite hnena hriattir zel theia tan la turin thawktute a fuih a ni.
Ministry of Statistics & Programme Implementation-in thupui a thlan “Use of Data in Decision- Making” hmangin seminar neih a ni a. Economics & Statistics officer-ten thupui thlan hmangin presentation an pe a, sawiho zui a ni.
National Statistics Day chu ‘Father of Indian Statistics’ Prof. PC Mahalanobis pian champha June 29-a hman thin a ni a, kuminah hian sawrkar chawlh a nih avangin June 28-a hman a ni.
National Statistics Day hmang
Get real time updates directly on you device, subscribe now.
Prev Post