Assam Rifles, National Integrity & Educational Development Organisation (NIEDO) leh Axis Bank thawkhoin JEE, NEET leh hetiang lam exam dangte entrance exam-na atana open house mentoring camp batch hnihna, 2 Assam Rifles Zokhawsang Complex-a neih chu Zirtawpni khan larsap Dr Hari Babu Kambhampati chuan a hawng.
Axis Bank, NIEDO leh Assam Rifles ten Mizote hmakhua ngai a, zirlai zinga chhungkaw khawsak harsa zawkte tana India rama zirna in tha filawra luh theihna kawng an hawng chu lawmawm a tih thu larsap hian a sawi a ni.
2023 September 27 khan HQ 23 Sector Assam Rifles, NIEDO leh Axis Bank hian thawhhona thuthlung an lo ziak tawh a. He thawhhona hnuaia project ‘Sentinel Centre’ hnuaiah ei leh in leh awmna a thlawna tumsakin chhungkaw harsa zawk atanga zirlai pawl 12 pass tan JEE, NEET leh a tlukpui entrance exam hmachhawn turin coaching buatsaih a ni. He project atan hian Axis Bank chuan CSR hnuaiah kum 4 chhung atan cheng vaibelchhe 3.9 a tum a ni.
Nikum khan entrance exam-ah hian zirlai 186 an inlan a. Final stage-ah zirlai 30 thlan an ni. Training hi kumin January atanga tan a ni a, thla li a awh. Zirlai 30 zingah hian JEE exam-ah pakhatin hlawhtlinna a chang a, NEET exam-ah mi 20 an hlawhtling bawk. NIEDO second batch entrance exam-ah zirlai 436 an inlan a. Chu’ng zinga 144 chu interview hmachhawn theiin, a tawpah 30 thlan an ni.
Larsap hian batch hmasaa candidate hlawhtlingte hnenah lawmpuina a hlan a ni.
Zirlaite tan coaching camp siam
Get real time updates directly on you device, subscribe now.
Prev Post
Next Post