Natna darh hluai thei hmachhawn tura inbuatsaih lawk dan tur inhrilh

Natna hri darh hluai (outbreak) a awma lo hmachhawn leh inbuatsaih dan tihchakna atan hmalakna pawimawh – Simulation Exercise chu Aizawlah ni hnih chhung awh neih a ni dawn a. Thawhtanni khan Health Services director Dr Lily Chhakchhuak chuan a hawng.
Simulation Exercise hi Health & Family Welfare Department kaihhruaia neih a ni a. Khawvel puma hriselna lama hma latu pawl – Jhpiego leh Public Health Foundation of India (PHFI) ten technical support an pe. He programme-ah hian sawrkar department hrang hrang thawhhona tihchak tumin Health, Veterinary, Agriculture, Forest, Rural Development, Urban Development, Aizawl Municipal Corporation bakah private hospitals, Indian Medical Association, ZMC&H leh Civil Hospital Aizawl aiawh an tel a. Tun tum hi Mizoramah hetiang lam neih vawikhatna niin, India ram state dangah pawh neih zel tur a ni.
He programme hi Mizoram state tana mipui vantlang hriselna nghawng thei thil a lo awm pawha chiai leh phili buai loa chak taka lo hmachhawn dan leh a kaihhnawih sawrkar department inkara thawhhona tha zawk siamna atan thil pawimawh a ni a. Mizoramah dan anga kalpui zui reng theih tura hmalakna hmasa ber a ni.