Nau neihna leh nausen ward-a duty thin doctor leh nurse inzir

Nau neihna leh nausen ward-a
duty thin doctor leh nurse inzir
Mizoram Health System Strengthening Project (MHSSP) buatsaihin May 19-22 chhungin Primary Health Centre-a doctor leh nurse-te tan Aizawlah Puerperal Sepsis leh Neonatal Sepsis skill workshop neih a ni.
MHSSP project director, NHM mission director Dr Lily Chhakchhuak chuan workshop hi doctor leh nurse-ten CKSI mobile app atanga an zir a taka an thiam lehzualna tura buatsaih thin a ni tih a sawi.
Sawrkar laipuiin sample registration (SRS) report a tih chhuah thar berah ram pumah kum khat chhunga nu nau chunga thi chawhrual chu 20 a nih laiin Mizoramah chuan mi 9 chauh an ni a; nausen thi zat chu zaa 4 niin, Manipur leh Sikkim nen ram pumah a hniam ber kan ni tih a sawi.
Hetih mek lai hian tunhnaia nu nau chunga thi zingah sepsis kaihnawih an awm nual tih sawiin, workshop pawh chumi kaihhnawiha buatsaih a ni tih a sawi a ni.
Workshop-a zirtirna pe turin BP Bhagwan Mahaveer Jain Hospital Bengaluru atangin Dr Prakash Mehta, Dr Shreya Kamath leh Dr Prasanna an lokal a, May 19 & 20 hi doctor-te tana tih niin, May 21 & 22 hi nurse-te tana tih a ni. Sawrkar damdawi in hrang hranga nau neihna leh nau pianghlim enkawlna hmuna duty thin doctor leh nurse-te an tel a ni.