Aizawl District & Sessions judge leh special judge (POCSO Act) kawptu Vanlalenmawia chuan Laldintluanga, Zuangtui Veng chu naupang khuaikhem thu ah thiam loh chantirin, kum 10 chhung lung in tang tur leh Rs. 5000 chawi turin a hrem.
Thawhlehnia thutlukna a siamah judge hian POCSO Act hnuaiah Laldintluanga hi thiam loh a chantir a, Central Jail-ah dahluh nghal a ni.
Court-in a tarlan danin, nupui nei lai Laldintluanga hian 2018 September leh October khan naupang kum 12 mi a pawngsual a. 2018 October 13 khan police-ten manin thubuai siamsak a. Special Court hian POCSO Act 2012 section 6-na hmangin thiam loh a chantir.
A hremnaa sum chawi tur hi a neih loh chuan, ni 20 dang lung ina tan belh turin court hian a ti a. Laldintluanga hi he thubuaiah hian kum khat leh thla hnih vel Central Jail-ah hian a lo tang tawh a ni.
Naupang pawngsualtu hrem
Get real time updates directly on you device, subscribe now.