NDA zawm chungchang ngaihtuah tawh \hin

Mizorama sorkarna chang mektu ZPM-in NDA zawm chungchang an ngaihtuah tawh thin a, a la tlang lo thung.
Hriat theih chinah ZPM thuneitu sang Political Affairs Committee (PAC)-in vawi hnih an ngaihtuah tawh a, 2025-ah ve ve an ngaihtuah; August ni 19-ah PAC hian an ngaihtuah a, a tlang lo a, December ni 10-ah an ngaihtuah leh a, a tlang lo leh a ni.
Thu dawn danin, NDA zawm chungchang an ngaihtuah hian chief minister-in NDA zawm a tha tiin a sawi a, mahse a tlang lo. Vawi khat chu, NDA an zawm loh avangin harsatna an tawk nasa niin a sawi a, a adviser pakhatin NDA an zawm loh avanga harsatna tawh a awm lo tiin a sawi ve thung.
Kumin September-ah ZPM hruaitu term hrang hrang a tawp a, hruaitu thar hnuaiah PAC member tur pawh an inruat thar tawh. Term tharah PAC hi an la thu lo.
PAC member tharah hian term hmasaa tel mi 10 chuang an tel tawh lo.