NE rail station 59 te world class-in thuam \ha dawn

Northeast-a rail station 59 te chu world class facility neia thuamthat a ni dawn tiin Railway Minister Ashwini Vaishnaw chuan a sawi.

Delhi atanga virtual presser a neihnaah old train coach 310 te chu LHB coach a thlak an ni ang a, hei hi passenger tena khualzina nuam zawka hun an hman theihna tur a ni a ti a.

Nikum khan Assam a railway track 445 te chu electrified an lo ni tawh bawk a. “Northeast Frontier Railway (NFR) division tin te chu Amrit Bharat Station Scheme hnuaiah tihhmasawn vek a ni ang” tiin minister chuan a sawi bawk.
Northeast pumpuia Railway infrastructure te tihhmasawn a nih theih nan sum mamawh tawk dah a nih thu a sawi bawk a. Vaishnaw chuan a tum khat nan hilly leh border areas te thlunzawmna turin Rs 1.20 lakh crore dah a nih thu a sawi bawk.

Financial year 2023-24 ah N.F. Railway atana Gross Budget Allocation chu Rs 10,988.80 crore a ni a. A hma kum aia a punna chu 13.75 per cent lai a ni a. Northeastern State tana allocation chu rs 10,269 crore niin nikum aiin Rs 300 crore velin a sang zawk bawk.

New lines atana Rs 6,591 crore dah a ni a, railway track tihlen nan Rs 1,364 crore dah a ni thung.
Railway officials te chuan hna kal lai mek Dimapur-Kohima, Jiribam-Imphal etc leh new lin eproject te tan sum mamawh tawk dah a ni an ti bawk a.

Capital connectivity project dangah Sivok-Rangpo new line project Sikkim tan Rs 2,350 crore dah a ni a, Bairabi-Silchar new line project tan Rs 915 crore dah a ni bawk a. Agartala-Akhaura international connectivity project India leh Bangladesh kalpui mek atan Rs 200 crore dah a ni bawk a.

Guwahati-a Agthori station chu Rs 517 crore sengin world class facility a thuam that a ni dawn bawk.