NE state hman tur sum tihpun a ni – BJP thupuangtu

India hmarchhak state-te sum hman tur chu budget-ah tihpun a ni tih BJP thupuangtu Dr Heena Vijay Kumar Gavit chuan a sawi a. Centre-in sum a pek tha taka hman chu state tih tur a ni tih a sawi.

Union finance minister-in budget a pharh thar tak chungchangah BJP National spokesperson Dr Heena Vijay Kumar Gavit chuan Aizawlah thuthar  thehdarhtute kawmin, sawrkar laipuiin state tinte hmasawnna a ngaihtuah a, hmarchhak state-te hman tur budget pawh tihpun a ni, tiin, “State tinte hmasawn chu sawrkar laipui duhdan a ni a. Eng state pawh nise central chuan state mamawh ang sum a pe thin. A hmang tha state chu an vannei mai a ni,” a ti.

Covid hrileng vangin India pawhin hun khirh tak tawng mah se, ram economy-in hma a sawn theih nan hma hun eng tak a nei chho leh mek tih BJP MP ni bawk hian a sawi a. Sawrkar kum kal meka economy than dan chu za zelah 7 anga ngaih a ni tih sawiin, ram thang mek zingah a sang ber niin a sawi.

Kumin budget hi Amrit Kaal budget, India zalenna kum 100 a tlin lawmna hmaa kum 25 la awma hman tanna a ni, tiin, hmasawnna turin kawng thui tak a thlir a, kum 25 chhungin hmasawnna ngelnghet zawk kalpui a, kum 100 a tlin hunah chuan ram intodelh a ni tawh dawn tih a sawi a ni.

National Women Empowerment Committee chairman Dr Heena Vijay Kumar Gavit hian sawrkarin hmeichhiate hmasawnna a ngaihtuah tih a sawi a. Ramchhung hmuntina self help group tam belh zel chuan hmeichhiate mahni kutkea an din ve theih na’n a pui a, ram pumah hrileng zualpui a reh hnu ah thil man san belh mah se, zawi zawiin hmasawnna hmuh tur a awm leh tawh tih a sawi bawk.

Union budget thara NE lam hawi thenkhat BJP thupuangtu-in a tarlan dan:
# Ministry of Development of North Eastern Region (MDoNER) tan sum tam zawk dah a ni.
# North Eastern Region (NER) ah awmze nei zawka nghawng neih tumin capital expenditure a tihsanna lam a thlurbing.
# ST leh SC te puihna leh thlawpna tur hmalakna kalpui niin, NER-a hmeichhia leh thalaite chawikan lam thlurbing a ni.
# DoNER hnuaiah infrastructure, social-development leh livelihood sector tihhmasawn a nih theih nan scheme tihpun a ni.
# Central ministry/ department ten NER tan 10% GBS (Gross Budgetary Support) an dah hmangin hmasawnna ruhrel lian – inkalpawhna leh inbiakpawhna lam bakah nitin mamawh hmuhna tur lama hman a ni.
# DoNER kaihhnawiha budget-a dah pawimawh te – 2023- 2024 ah budget outlay tihpun a ni a. BE 2023-2024 allocation chu cheng vaibelchhe 5893 a ni a, RE 2022- 2023 a vbch. 2755.05 atanga chhutin 114% in a sang zawk. BE 2023-24 a vbch. 5892.00 dah atangin vbch. 4093.25 chu capital expenditure atana hman tur a ni a. Hei bakah RE atana capital assets siam na