NECTAR-in office hawng

North East Centre for Technology Application and Reach (NECTAR) Mizoram Liaison Office chu Directorate of Science & Technology building, MINECO-ah Planning & Programme Implementation commissioner Vanlaldina Fanai chuan Nilaini khan a hawng.
NECTAR hi India hmarchhaka science leh technology hmasawnna buaipuitu leh mipuiin hetiang lam thiamna an chhawr tangkai theih nana hma latu bulpui a ni a. Kum 2012 khan India sawrkara Department of Science & Technology hnuaia din niin, an headquarters hi Shillong-ah a awm a ni.
Hmarchhak state hrang hrangah project engemaw zat an kalpui mek a. Mizoramah pawh project 14 an kalpui. Chu’ng zinga project pathum – Khawzawl district-a loneitute tana ni chakna ring cold storage bun, Mizo puan design lama hma lak leh Thenzawla techno- preneurship tihhmasawnna tur project chu zawhfel a ni tawh.