NEIGRIHMS bula damlo thlenna tur sak mek enho

Sawrkar laipui Ministry of Finance buatsaihin June 19 khan Shillong-ah seminar neih a ni a. Heta tel ve chief minister Lalduhoma chuan NEIGRIHMS hospital bula Mizoram sawrkarin he damdawi in pantu damlo leh anmahni hruaitute thlenna tura a ruahman – Patient Lodge sak mek tlawh nghalin, luah theiha buatsaih zui dan tur a en.
Patient Lodge sakna atan sum ruahman hi cheng vaibelchhe 4.19 a ni a, North Eastern Council Fund atanga thawh a ni. NEC hian fund zawng zawng a pechhuak tawh a, project hi zaa za zawh a ni thuak tawh a, khum 60 awm tura duan a ni.
Chief minister ho hian NEC project-in ken tel loh mamawh dang la awm – a hungna, a kawt pavement leh bungrua leina tur an sawiho a. NEIGHRIMS Hospital-a thi, han chawlhpuina tur leh thlahliamna tur an mamawh tih Shillong Mizo Welfare-in an lo thlen bakah he hmuna thawktute chenna tur pawh sak a tul nia ngaih a ni. Heng mamawh hi PWD-in estimate leh proposal siamin Planning department-ah thehlut se, an ti. Tui supply atan Meghalaya sawrkarin lei hnuai tui verh phalna a pe tawh a, hma lak mek a ni tih sawi a ni.
Chief minister hi NEC director (Health Sector) NG Yirmayai, Mizoram Planning Department leh PWD hotuten an tawiawm a ni.