Neihlohah fehchhuak prog nei

Neihlohah fehchhuak prog nei
Thenzawl Civil Sub-Division huamchhunga mipui hnen thleng phaka department hrang hrangin hna an thawh theihna tur ‘Fehchhuah Programme’ chu Nilaini khan a tum hnihna atan Neihlohah neih a ni.
Thenzawl SDO (Civil) K Lalhlimpuia chuan an Sub-Division huamchhunga sawrkar department hrang hrangin an remchan dan anga mipui tana tangkai tur leh sawrkarin mipui tana thil a ruahman bakah mipui hnena sawrkarin service a pek theihte inhrihfiah tura pan chilh chu he programme tum ber a ni tih a sawi.
MRB Thenzawl Branch manager Bobby Zothansangi’n financial literacy campaign neiin, veterinary officer Dr George Martin Lalruattluanga’n ran hri danna lak chungchang sawiin, Police Training School Thenzawl atangin criminal law thar pathum inhrilh a ni.
CHC Thenzawl leh Integrated AYUSH Hospital Thenzawl chuan a thlawna inentirna buatsaihin Apex Bank Thenzawl leh SDO (C) ten helpdesk an buatsaih a. AH & Vety department-in Rabies Vaccination Helpdesk an buatsaih bawk.
Fehchhuah programme hmasa ber hi Buangpuiah neih a ni tawh a. Tun tum hi a vawihnihna a ni.