Netanyahu khawng zui tlat
Israel Prime Minister Benjamin Netanyahu chuan Hamas member tin te chu ‘mithi an ni’ tiin emergency government thutkhawm hmasak berah a sawi a. A bula thu opposition leader benny Gantz pawhin ‘indo hun a ni’ tiin a sawi bawk.
Mahse US President Joe Biden chuan Netanyahu nena inbiakna an neih thu sawiin Israel chuan fimkhur takin ‘indona dan leh hrai a zawm tur a ni’ tiin a sawi a.
Israeli nunna chan 1,200 chuang awm tawhin, Gaza-a Israeli air strike avanga nunna chan 1,100 chuang an awm tawh tia sawi a ni bawk a.
US President Biden chuan Israeli mipuite thinrimna chu a hriatthiam thu sawiin mahse Israel chuan Geneva conventions principles a zawm hram hram a ngai a ti thung a. Hei bakah hian Hamas te chetlakna ‘lawmawm’ titu Iran chu a vau zui bawk.
A hmain Netanyahu leh Gantz te chuan politics lama an inbeihna thinte chu dahthain thawhdun an remti thung a. Gantz chuan Israeli khua leh tui te chu sorkar siam thar chu ‘an inlungrual’ tia sawiin, ‘he lei atanga Hamas nuaibo kan inpeih’ tiin a sawi bawk.
Netanyahu leh Gantz, centrist National Unity Party leader leh defence minister hlui bakah hian Defence Minister Yoav Gallant te pawh an tel a.
Mahse opposition leader lian ber Yair Lapid chuan alliance chu a zawm ve lo thung a. Mahse, Netanyahu leh Gantz te chuan cabinet-ah atan hmun an dah awl tur thu an sawi thung a.
“Indo lai a nih avangin bill emaw sorkar thutlukna engmah indona kaihhnawih thil lo chu kalpui a ni lovang” tiin thuchhuah intawm an siamah an tarlang a. “Senior appointment tin te chu war period laia pawhsei vek a ni ang,” an ti bawk.
Emergency sorkar chuan sipaite chetna chu thlawp vek dawnin war cabinet-ah military startegy lama mithiam pahnih an lalut bawk a. Gantz leh observer atana dahluh Gadi Eisenkot te chu Israeli military chief of staff hlui ve ve an ni bawk.
Israel buaina ber
Israel-in buaina a tawh nasat ber chu Hamas tena an hren mek a khua leh tui 150 vel zette chu an ni a. Heng mi tangte hi Gaza khawi hmunah ber emaw hrenin an awm mek a. Hren zingah hian hmeichhia, naupang leh kum upate pawh an tel a ni.
Heng mihrente chhuah zalen an nih theih nan hian Qatar leh Egypt te chuan hma an la mek a, ruahmanna hrang hrang siama kalpui mek a ni bawk.
Hamas te chuan Israel-in airstrike hmanga an beih apiangin an mitang hrente pakhat zel tihhlumah an vau a. Mahse, chung te chuan Israel chu a titim vak lo hle thung.
Israel chuan Hamas tena an khua leh tui an man leh hrente chu an chhuah zalen hma chuan Gaza an beihna chu an tawpsan dawn lo an ti hmak thung a. Hrekna chi tin rengin a hrek hmak tawh bawk a.
Gaza chuan harsatna nasa tak tawk mekin an tal buai tan nasa hle tawha ngaih a ni bawk. Israel chuan a mi leh sate chhuah an nih hma chuan a hrek zui tur thu a sawi bawk a ni.