Netflix-a BTS comeback performance leh documentary tichhuak dawn

Tunlaia boyband huhang nei lian ber BTS chu South Korea sipai nunchan zir an zawh hnuah rimawi khawvelah an rawn kir leh dawn ta a, March thla hi fans lamin an nghakhlel tawh, an album thar ‘Arirang’ an tlangzarh dawn a, world tour an nei dawn bawk.
Tichuan, Netflix chuan March ni 21-ah BTS The Comeback Live | Arirang an platform-ah an stream dawn tih an puang ta. He live stream hi BTS-in an album thar global performance an neih hmasak ber tur a ni a, album hi March ni 20-ah an tlangzarh dawn a, Gwanghwamun-a album tlangzarhna pawh live-a tihchhuah a ni ang.
He live stream chhunzawm nan Netflix chuan ‘BTS: The Return’ an tichhuak dawn bawk a, he documentary film hi BTS-in an album thar an buaipui dan vel tarlanna tur a ni a, March ni 27-ah an streaming platform atangin a en theih dawn a ni.
BTS member pasarih te hi global tour neih tumin an inpuahchah mek bawk a, an tour hi 2027 thleng hawlh tur niin, Asia, North America, Europe, Latin America leh Australia te an hrut dawn a, tour hawn nan South Korea-a Goyang-ah zan thum show an nei ang a, chutah Tokyo-ah zan hnih show nei lehin, US an pan ang, an tour-ah han show 79 nei turin an kual deuh zak zak dawn a ni.