New Zealand Sava hmul lilamin world record siam

New Zealand sava mang tawh Huia bird hmul pakhat chuan world record siamin lilamnaah NZD$46,521.50 ($28,417, £22,409)-a hralh a ni.
He sava hmul hi $3,000 vela hralh theih beisei niin mahse lilamnaah Huia hmul lilam hmasaka record awmsa chu 450% in a khum a ni, tiin Webb’s Auction House te chuan an sawi.
Huia sava chu Maori mite tan chuan sacred niin a hmul te chu an chief leh an chhung tena an lua a thiah thin niin thil pek atan leh sumdawn nan pawha hman thin a ni.
Kum 1907 kha Huia bird hmuh hnuhnun ber niin mahse a hnu kum sawm hnih pasarihah hmuh a nih thu sawi a ni a, chu erawh finfiah a ni lo niin Museum of New Zealand chuan a tarlang.
Huia te chu sava te tak te niin New Zealdna wattlebird family zinga mi niin zuang euh euh leh mawi tak tia sawi a ni.
Sava hmul an lilam tak hi a la tha hle tiin Leah Morris, head of Decorative Arts, Webb’s Auction house chuan a tarlang a. “Engmah danglamna la nei lo niin sulhnu mawi lo pawh a awm lo” tiin a sawi.
Auction house te chuan UV protective glass chhungah archival paper nen an dah a, hun rei tak chhe miah lova awm tur a ni a ti bawk.
He sava hmul hi Maori ho siam thil dahthatna atanga tururu hmanga register thlap a ni bawk a. He system hnuaia license nei collector te chauh chu lei phalsak niin ram pawna ken chhuah a nih dawn pawhin Ministry of Culture and Heritage phalna lak phawt ngai a ni bawk.
Sava hmul man sanna chhan chu New Zealanders tena an ngaihven em vang a ni pakhat tiin Morris chuan a sawi a. “Registerd collector nih tum mi thahnem tak kan hmuhbelh zel a ni” a ti a. “New Zealand ah hi chuan ram, environment leh kan flora leh fauna te hi kan enkawl tha em a ni” a ti bawk.
Tun hma pawhin Huia hmul te chu Maori mite zingah pawh status mark niin Europeans tena New Zealand an luh hma pawha sava vang tak ni tawh sa a ni a, a hnuah collector leh fashion merchants tena sumdawn nana target bera an neih hnuah tlem zual zelin a mang phah ta a ni tiin Museum of New Zealand chuan a tarlang.