Champions League khel tur Newcastle United chuan midfielder thar an nei a, AC Milan leh Italy midfielder Sandro Tonali chu kum nga daih contract ziahpuiin an la lut.
Newcastle hian Tonali manah £55million an seng a, kum nga daih contract an ziahpui. Kum 23 mi Tonali hi Italian player manto ber thar a ni nghal. Under-21 European Championship-ah Italy squad a tel Tonali hian Premier League club a zawm thei tur chu phurawm a tih thu a sawi a. A lakna rinna an nghah chu mual chhunga tha taka chhan let ngei a tum thu leh a club thar tan a theihna zawng zawng a hlan tur thu a sawi bawk. Newcastle manager Eddie Howe pawhin nipui bazara an lak luh hmasak ber Tonali chu talent tha tak nei, mentality, physicality leh technical tak pawha an tan player tling leh tangkai tak a nih tur thu sawiin an player thar a fak.
Tonali hian Brescia tan khel thinin, kum 2018-2019 khan Serie A-ah a kaisanpui a, season khat hnuah an tlahniam leh nghal thung. Kum 2020 khan loan in AC Milan a zawm a, club lian zawk ah mit la taka a inlan hnuin Milan hi a nghetin a zawm. Kum 2022 khan AC Milan hi Serie A-ah a champion pui ta hial a. Kum 2022-23 season khan champions league semi-final a hruai thleng leh bawk. Club tan a khel that theih em vangin kum 2019 atang khan Italy tan a khel tan a, ram tan pawh a chetha chho zui ta viau bawk.
Newcastle in Tonali la lut
Get real time updates directly on you device, subscribe now.
Prev Post
Next Post