NewJeans-in Spotify record an siam
K-pop group NewJeans- Minji, Danielle, Hanni, Hyein leh Haerin te telna chuan Guinness World Record siamin, K-pop act (solo artist emaw group emaw pawh) zinga Spotify-a stream tluklehdingawn hlawh rang thei ber record an siam a, BTS member Jungkook record an rawn lehthal.
A hmaa hetiang record siamtu chu BTS member Jungkook niin, ani hian a hla pathum ‘Stay Alive’, ‘Left and Right’ leh ‘Dreamer’ hmangin Spotify-a vawi tluklehdingawn stream hi ni 409 chhungin a kai hman a ni. Mahse, he record hi a ding rei ta lo, NewJeans hian ni 219 chhung lekin Spotify-ah vawi tluklehdingawn stream an hlawh hman a, record thar an siam ta a ni.
NewJeans hi July 2022 atanga rawn che chhuak tan chauh kha an ni a, an hla paruk Spotify-ah stream theihin a awm a, chungte chu “Attention,” “Hurt,” “Hype Boy,” “Cookie,” “Zero, “”Ditto” leh “OMG,” te niin, heng zingah hian “OMG” hi stream nasat ber niin vawi maktaduai 320 stream a hlawh tawh a, an hla dang te nena belhkhawmin Spotufy-ah stream tluklehdingawn an kai tawh a ni.
NewJeans-in Spotify record an siam
Get real time updates directly on you device, subscribe now.