Grupo Frontera & Bad Bunny
‘Un x100to’ a lar ber
Grupo Frontera leh Bad Bunny hla hit ‘Un x100to’ chu khawvel huapa kar khat chhunga hla lar ber niin, Billboard Global 200 chart-ah a No.1 a, he chart-a kar hnih a No.1-na a ni ta. Hetihrual hian Fifty Fifty hla thar ‘Cupid’ pawh top five-ah a invawrh a, he chart top five-a an lan vawi khatna a ni.
Billboard Global 200 chart hi kar khat chhunga khawvel huapa hla lar dan niin, chart ranking siam nan hian ram hrang hrang 200 chuanga official-ony stream (subscription leh ad-supported audio leh video music services) leh download sales te chu tehna pawimawh a ni.
Grupo Frontera leh Bad Bunny ‘Un x100to’ hian kar khat chhungin stream maktaduai 99.5 leh download sales 3,000 neiin, hei hi a kar hnih nan chart-ah a No.1 pui leh ta a ni.
Chart No.1 hlui Eslabon Armado leh Peso Pluma ‘Ella Baila Sola’ chu No.2-ah bawk a la awm a, Yng Lvcas leh Peso Pluma ‘La Bebe’ pawh No.3-ah bawk a lain, tihian tunkar Billboard Global 200 chart top three chu regional Mexican hla vek a nih bakah Spanish tawng vek a ni bawk a, heng hla pathum te hi chart top three an lang rual kar hnihna a ni ta bawk.
Chart No.1 hlui, he chart-a January leh April thla chhunga kar 12 No.1 ni thei, Miley Cyrus hla hit ‘Flowers’ chu No.4-ah bawk a la awm.
Chart top five khartu chu South Korean group ‘Fifty Fifty’ niin, an hla ‘Cupid’ chu stream maktaduai 77.7 leh download sales 4,000 tlingin, chart No.8 atangin No.5-ah a invawrh. He K-pop group member- Aran, Keena, Saena leh Sio te hi he chart top five-a an lan vawi khatna a ni a, Korean group zinga he chart top five-a lang thei pathumna niin, BTS (top five kai thei hla pariat an nei tawh) leh BLACKPINK (top five kai thei hla pathum an nei tawh) te hnung an zui ve ta a ni.
-- Advertisement --
Billboard Global 200 Top 10:
1 Un x100to – Grupo Frontera X Bad Bunny
2 Ella Baila Sola – Eslabon Armado X Peso Pluma
3 La Bebe – Yng Lvcas x Peso Pluma
4 Flowers – Miley Cyrus
5 Cupid – Fifty Fifty
6 Kill Bill – SZA
7 Calm Down – Rema & Selena Gomez
8 Die For You – The Weeknd & Ariana Grande
9 Idol – YOASOBI
10 Last Night – Morgan Wallen