Lok Sabha inthlan campaign turu taka kalpui mekah Congress leader Rahul Gandhi chuan Nilani khan BJP te chuan Constitution ‘nuai bo’ an duh tia sawiin tribals, Dalits leh backward Class te hnena reservation siam pawh nuai bo an tum tiin a sawi.
Odisha-a Bolangir a election rally a neihnaah Rahul Gandhi chuan BJP ten inthlana chakna an chang a nih chuan public sector tinte privatise vekin he ram hi billionaire 22 te rorelna hnuaiah a awm ang a ti bawk a.
“BJP te chuan constitution bu pawhthler an duh a, keini Congress leh India mipuite chuan an remti dawn lo” tiin a sawi bawk.
“BJP te an chak a nih chuan reservation nuaibo a ni ang a, public sector te privatise niin he ram hi billionaire 22 te rorelna hnauiah a awm ang. Chuvang chuan keini chuan mipui sorkar kan din a ngai,” tiin a sawi.
-- Advertisement --
PoK hi India ram bung a ni a, kan la ang : Amit Shah
Union Home Minister Amit Shah chuan Pakistan-occupied Kashmir chungchang sawiin “PoK hi India ram bung a nia kan la let ang,” a ti.
West Bengal a Serampore a rally a neihnaah Shah chuan buaina a khat thin Kashmir-ah kum 2019-a Article 370 nuai bo a nih hnuah remna leh muanna a awm tawh a ni a ti a. Pakistan-occupied Kahsmir ah chuan ‘Azaadi slogan aupui leh lungawilohna lantir’ a ring tawh hle a ti bawk a.
“Article 370 kum 2019 a nuai bo a nih hnuah Kashmir-ah remna leh muanna a awm tawh a ni. Tunah chuan Pakistan-occupied Kahsmir-ah lungawilohna lantirna kan hmu tawh a. A hma chuan hetah ngei hian Azaadi slogan aupui thin a ni a, tunah chuan PoK ah aupui a ni ta. A hma chuan lunga invawm thin a ni a, tunah chuan PoK a lunga invawm a thleng tawh thung,” tiin a sawi bawk.
BJP ten Seat 400 lak chuan PoK India ramah a bet ang: Himanta
Assam Chief Minister Himanata Biswa Sarma cuan BJP ten Lok Sabha inthlanah seat 400 chuang kan la a nih chuan Pakistan-occupied Kashmir chu India ramah a bet tawh ang a ti.
Jharkhand a Ramgarh a election rally a neihnaah BJP te chuan ram pumah Uniform Civil Code (UCC) kalpui a nih theih nan seat 400 kan mamawh a ni a ti bawk a.
“BJP ten Lok Sabha seat 400 chuang kan lak chuan PoK chu India-ah a bet ang. BJP te chuan Shri Krishna Janmabhoomi temple leh Gyanvapi temple sak nan leh Uniform Civil Code ram puma hman a nih theih nan seat 400 kan mamawh a ni. Kum 2019-a seat 300 a lak pawh khan Ram Temple chu Ayodhya-ah sak a nih theih phah a, Jamu&Kashmir ah Artoicle 370 nuai bo niin CAA kan kalpui theihphah bawk” tiin a sawi.
South India ah BJP te nuaibo : Jairam Ramesh
Narendra Modi chu ‘prime minister kal chhuak’ tia sawiin Congress general secretary Jairam Ramesh chuan inthlan neih tawh chinah chiang takin south India atangin BJP te nuai boin an awm tih a lang tawh a, ram pumah pawh a zahveah tihhniamin an awm tawh a ni a ti.
Ranchi-a press conference a neihnaah Ramesh chuan PM Modi chuan sakhuana behchhanin vote a dil a, tunah pawh ‘Hindu-Muslim politics ka kalpui ngailo’ tiin dawt a sawi a ni a ti bawk.
“Prime Minister Narendra Modi hi prime minister chhuak mek a ni a, inthlan neih tawh chinah a manganzia a lang a. Amit Shah pawh home minister kalchhuak a ni a. June 4 ah an dawtsawi pandemic hi kan nuai bo tawh ang,” tiin a sawi bawk.
Congress hotu Jairam Ramesh chuan INDIA bloc in sorkar an siam a nih chuan ram pum huapin caste census kalpui a ni ang a ti bawk.