China-in Russia nasa takin pui reng ti

Tunkar chhung hian Russian president Vladimir Putin chuan Chinese premier Xi Jinping chu Beijing-ah a hmu dawn a.
Thla sarih chhunga Kremlin chief-in China tum hnih a tlawhna ni tawhin February 2022 a Russia-in Ukraine a run hnuah ram pahnih hruaitute inhmuh tum lina tur a ni bawk.
Hetih chhung hian Beijing chu Moscow tan thian tha turu ni rengin US leh ram dang tena an hrekna a tawrh lutuk turah Beijing puihna a hmu nasa hle tia sawi a ni.

-- Advertisement --

China-in Russia ralthuam a pe em?
China chuan Russia hnenah ralthuam a pe thin tia puhna chu a hnial nasa hle a.
Thla kaltaa Beijing a tlawh khan US Secretary of State Antony Blinken chuan, “Ukraine indonaa hman turin China hian Russia hnenah ralthuam tak tak erawh a pe lo,” a ti a.
Mahse, China chu Moscow war machine te hman turin ralthuam siam nana pawimawh hmanruate a pe nasa thung tia sawi a ni.
Blinken chuan, “Chungte hmang chuan Russia chuan munition, tanks, armoured vehicles leh missile te tam zawk a siam theih phah a ni” tiin a sawi a.
Russia-in machine tools a neih 70% leh microelectronics 90% te chu China atanga a chawkluh a ni, a ti.
May thlaa Washington-in hrekna a kalpui zingah China leh Hong Kong-a firm 20 vel lai an tel a. Heng firm te hi drones bungrua siam thin te niin Khawthlang ramte hrekna kalkanin Moscow hnena supply thintu a puh te an ni.
“China hi Russia hnena semiconductor thawnchhuak hnem ber niin Hong Kong leh UAE a shell company te kaltlangin a thawn lut thin” tiin Maria Shagina, UK-based think tank, International Institute of Strategic Studies chuan a sawi a.
“Chinese company thenkhatte pawhin civilian drones te supply bawkin military leh civilian tana hman tura siam te chu an vaihma vek a ni,” tiin a sawi.
China chuan Moscow nena sumdawnna lama inremna an neih chu chhuanlamah hmang thungin Russia hnenah lethal arms a hralh lo a ti thung a, dan ang thlapin inremna an siam angin Moscow hnenah dual-use items a pe mai tiin a sawi.
Beijing chuan commercial leh military thila hman theih ve ve dual-use items Russia hnenah thlatin $300 million hu a thawnlut thin niin Chinese custom data Carnegie Endowment tena an zirchiannaah tarlan a ni a. Heng zingah hian ralthuam, drones leh tanks siam nana pawimawh hmanrua te a tel tiin tarlan a ni bawk.

China leh Russia insumdawntawnna pun dan?
Beijing chu Moscow in car, clothing, raw material leh product hrang hrangte a chawhluhna ber a ni tawh a, hei hi Khawthlang ram tena an hrek vang a ni.
Kum 2023 khan China leh Russia insumdawntawnna chuan $ 240 billion a hawlh tawh a, kum 2021 ai khan 64% in a pung tawh a ni.
Russia-in China atanga a chawkluh chu $ 111 billion hu niin China hnenah $129 billion hu a thawnchhuak thung.
China-in Russia hnena car a thawnchhuah chuan kum 2023 khan $ 23 billion a hawlh a, a hma kum aiin $6 billion laiin a pung a ni.
“Russian natural gas chuan Chinese household tam tak a chawm a, Chinese siam automobiles te chu Russian kawngpuiah an tlan nasa thung” tiin China Foreign Minister Wang Yi chuan March thla khan a sawi.
Kum 2023 thleng khan China chu Russia sumdawnpui lian ber a ni a, Russia erawh China sumdawnpui lian ber parukna a ni thung.

China-in Russia hnen atanga oil leh gas a lei
Russian sorkar sum hmuh zahve lawih chu oil leh gas a hralhna atanga a lakluh a ni. Ukraine a run hnuah US, UK leh EU rama a oil leh gas hralh chu hrekna avangin a tlahniam nasa hle a.
Russia chuan a oil leh gas chu Asia ramah a bik takin China leh India hnenah a hralh hnem zual ta thung a ni.
Kum 2023 khan Russia chuan Saudi Arabia lehpelin China hnena crude oil supplier lian ber a ni tawh a. Beijing chuan Moscow atangin crude oil 107 million a chawlut a, kum 2022 aiin 24% in a pung a ni.
G7 ram te leh European Union leh Australia te chuan Russia chu hrek bawkin tuipuia oil transport theihah bituk an siam sak a. Mahse, China chuan price cap siam aia sangin Russia crude oil chu a lei zel thung.
Russia oil discount chu hun rei tak inkawmngeih tawh India pawhin man tlawm zawkin Ukraine run hnuah a leisak char char bawk a. June 2023 thleng khan India-in Russia oil a lei chu 44% dawrhin a tipung a ni.
Kum 2023 vek khan China chuan liquefied petroleum gas (LPG) chu Russia hnen atangin 8 million tonnes a chawlut bawk a, kum 2021 aiin 77% in a chawlut tam a ni.
Ram pahnih te chuan energy lama an thawhdunna tipung zelin pipeline thar Power of Siberia 2 chu kalpui bawkin he mi hmang chuan Russa khawthlang lam Siberia region atangin north-eastern China-ah natural gas pekluh a ni thei dawn a ni.
China hian Power of Siberia pipelne hmangin kum 2019 atang khan Russia atangin gas a lo dawng reng tawh bawk a. Russia energy te chu a mamawh em em bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More