Nghapui-in a dawlh zuai a, a luak chhuak leh!
Adrian Simancas chu Chilean Patagonia-ah a lawngleng (kayak)-in thlamuang takin a inkar dalh dalh, mahse, thawklehkhatah nghapui (whale) lian zet maiin a rawn hmuam ta thut mai a, mahse, na engmah nei lovin nghapui hian a luak chhuak leh nghal a ni.
He thil thlen hun hi February ni 8 kha niin, Adrian-a kayak-a a inkar lai hi a pa, Dell chuan video-in a lo la char char a, mahse, inrinlawkna hman pawh awm loin nghapui hi rawn lang thutin, Adrian chu a hmuam bo ta daih mai a, second reilote hnuah him pialin Adrian hi nghapui hian a chhak chhuak leh ta a ni. Heng thil thleng zawng zawng hi Dell hian video-in a lo la vek a ni.
Associated Press-in an kawmnaah Adrian chuan, “A tirah ka thi emaw ka ti hman. Nghapui chuan min ei a, min dawlh tawh niin ka nfai a. Mangan thlak tak a ni a, engmah tih theih a awm bawk si lo,” a ti.
Chutah rin loh takin nghapui chuan a chhak chhuak leh a, Adrian chuan, “Tui a ka rawn lâng chhuak leh chu ka la mangang khawp mai a, ka pa chungah thil tha lo a thleng ve ang tih ka hlau a, him dam takin vaukam kan thleng hman lo tih mawlh kha ka hlau a ni,” a ti.
Nghapui-in a dawlh zuai a, a luak chhuak leh!
Get real time updates directly on you device, subscribe now.