Ni 25 chhungin Champhaidistrict-ah meth kg.89 man

Kumin July chhung hian Champhai district-ah ruihna atana hman methamphetamine kg. 89 chuang man a ni tawh a, heroin pawh kg.8 chuang an man.
Champhai District Narco Coordination Centre Committee (NCORD) thutkhawma tarlan a nih danin, kumin July 1-25 chhung khan Champhai Police chuan ruihhlo kaihhnawih case 8 ziaklutin, hemi kaihhnawihah hian mi 17 an man. An hnen atang hian heroin kg 7.855 leh methamphetamine kg 78.95 an man a; heng ruihhlo phurhna atana hman two wheeler pahnih, car pathum leh 709 truck pakhat an man bawk. Heroin man zingah hian July 10-a Zokhawthar Police man kg 7.422 hi Mizorama la hmuh ngai loh heroin quality sang Double UOGlobe Brand a ni.
Hemi hun chhung vek hian Excise & Narcotics Department chuan ruihhlo kaihhnawih case 12 ziaklutin, mi 15 an man a, an hnen atang hian heroin kg. 1.559 leh methamphetamine kg 11.21 an man bawk.
Excise & Narcotics Department hian July thla chhungin ruihhlo that lohna hrilhin Naupang Sunday School Presbyterian Church, New Champhaiah leh Govt. Vengthlang Middle School, Champhaiah hunan hmang a ni. Assam Rifles pawhin ruihhlo leh a kaihhnawihah dan chah a nih theihnan hma an la reng bawk tih sawi a ni.